இந்த வலைப்பதிவில் தேடு

புதன், 2 ஏப்ரல், 2025

சைவமே அசைவமானால் எதை உண்பேன்?

சைவமே அசைவமானால் எதை உண்பேன்?

பசுவதையை சட்டம் போட்டு தடை செய்து கொண்டு நாடாளும் அந்த “நல்லோரிடம்” மாமிசத்தை உண்ணாவிட்டால் எதை உண்பது என்று கேட்டால் தாவர உணவை உண்ணுங்கள் என்று தயங்காமல் பதில் கூறுகிறார்கள். தாவரங்கள் உயிரில்லாதவை உணர்வில்லாதவை என்பது இவர்களின் வாதமானால் அது அறியாமையின் வெளிப்பாடே.

தாவரங்களுக்கும் உயிர் உண்டு


முந்தைய காலங்களில் தாவரங்களுக்கு உயிர் இல்லை என மனிதர்கள் நம்பிக்கை கொண்டிருந்தார்கள். ஆனால் இன்றைய அறிவியல் யுகத்தில் - தாவரங்களுக்கும் உயிர் உண்டு என்பது அகிலம் முழுவதும் அறிந்த விஷயம்.
விஞ்ஞானி ஜகதீஷ் சந்திரபோஸ்  தாவரங்களுக்கு உயிர் உண்டு;  அவை சுவாசிக்கின்றன;  உணவு உட்கொள்கின்றன என்பதை அறிவியல்பூர்வமாக ஆய்வு செய்து நிரூபித்தார். நுண்ணிய மின் கருவிகளைக் கொண்டு, தாவரங்களின் உயிர் அணுக்களை ஆராய்ந்தவர்  அவர். ஆக, சைவ உணவு உண்ணுபவர்களாக இருந்தாலும் உயிர்களை கொல்லாமல் வாழ்வது சாத்தியமல்ல என்பதே உண்மை!

 தாவரங்களாலும் வலியை உணர முடியும்:
உயிருள்ளவை ஆனாலும் தாவரங்களால் வலியை உணர முடியாது. எனவே தாவரங்களை கொல்வது - உயிருள்ள பிராணிகளை கொல்வதைவிட - குறைந்த பாவம்தான் என்றும் இவர்கள் வாதிடலாம். இன்றைய அறிவியல் - தாவரங்களும் வலியை உணர்கின்றன என்று நமக்குக் கற்றுத் தருகிறது. 20 Hertz க்கு குறைவான சப்தத்தையும் 20000 Hertz க்கு மேற்பட்;ட சப்தத்தையும் மனிதனால் கேட்க முடியாத காரணத்தால் தாவரங்கள் வலியினால் அலறுவதை நாம் அறிய முடியாது. அமெரிக்காவில் உள்ள விவசாயி ஒருவர் ஆராய்ச்சி செய்து தாவரங்கள் அலறுவதை - மனிதர்கள் கேட்கும் அளவுக்கு மாற்றக்கூடிய கருவி ஒன்றினை கண்டு பிடித்திருக்கிறார். மேற்படி கருவியின் மூலம் தாவரங்கள் தண்ணீருக்காக அலறுவதை மனிதர்களால் கேட்க முடியும். பின்னால் வந்த வேறு சில ஆராய்ச்சியாளர்கள் தாவரங்களும் - மகிழ்ச்சி - வருத்தம் போன்ற உணர்வுகளை வெளிப்படுத்தும் ஆற்றலை கொண்டவை என்றும் கண்டு பிடித்துள்ளனர். இவ்வாறு தாவரங்களும் வலியை உணரக் கூடியவை. மகிழ்ச்சி வருத்தம் போன்ற உணர்வுகளை வெளிப்படுத்தக் கூடிய ஆற்றலை கொண்டவை என்பதை அறிவியல் உண்மைகள் நமக்கு அறிவிக்கின்றன.

உயிருண்ணும் தாவரங்கள்

அறிவியலும் ஆராய்ச்சிகளும் வளரவளர தாவரங்களின் பல்வேறு மர்மங்களை உலகம் அறிந்து வருகிறது. தாவரங்களுக்கு நம்மைப் போல் நரம்புகள் இல்லை. எனினும், உணர்ச்சியை அறிவிக்க, தாவரங்களில் உள்ள சில உயிரணுக்கள் பயன்படுகின்றன. தொட்டாற்சுருங்கி (Mimosa - மிமோசா) என்று ஒரு தாவரம் இருக்கிறது. இது தொட்டவுடன் சுருங்கிக் கொள்ளும். ஏதேனும் பட்டால், இதன் இலைகள் உணர்ச்சியின்றி மூடிக்கொள்ளும். தாவரத்திற்கு உணர்ச்சி உண்டு என்பதை நிரூபிக்க  இந்தத் தாவரம் ஒன்றே போதும்.

எந்த தாவரங்களை அப்பாவிகள் சாதுவானவை என்று நம்பி வந்தோமோ அவற்றுள் உயிர்களை கொன்று உண்ணும் வகைகளும் (carnivorous plants) உள்ளன என்பதை படம்பிடித்துக் காட்டும் வீடியோக்களும் இன்று இணையத்தில் உலா வருகின்றன. சில தாவரங்களின் பூக்கள் புழுபூச்சிகளை தங்கள் அழகிய வண்ணத்தால் ஈர்த்து அவை அதன்மீது வந்து உட்காரும்போது தொட்டாற்சிணுங்கி மூடிக்கொள்வதைப் போல இறுக்கமாக மூடி அவற்றைக் கொல்கின்றன.  சைவம் என்று மக்கள் ஆழமாக நம்பியிருந்த தாவரங்களும் அசைவத்தின் மூலமே தங்கள் உணவுத் தேவையை நிறைவேற்றிக் கொள்கின்றன என்பதை பசுக்காவலர்கள் அறிந்தால் அவர்களின் அடுத்த வாதம் என்னவோ?

தான் படைத்த படைப்புகளை இவ்வுலகில் எவ்வாறு சமநிலையில் வைத்திருக்க வேண்டும் என்பதை அறிந்தவன் இவற்றைப் படைத்தவன் ஒருவன் மட்டுமே. எனவேதான் மனித வர்க்கம் - மாமிச உணவு உட்கொள்ள இறைவன் அனுமதி அளித்திருக்கிறான்.
'
மனிதர்களே! பூமியிலுள்ள பொருட்களில் அனுமதிக்கப்பட்டவற்றையும் -பரிசுத்தமானவற்றையும் உண்ணுங்கள்.' (குர்ஆன் 2:168)
பசுவின் மீது மட்டுமல்ல இறைவனால் படைக்கப்பட்ட அனைத்து உயிரினங்கள் மீதும் இரக்கம் காட்ட வேண்டும் என இஸ்லாம் கட்டளையிடுகிறது. அதே சமயம் இறைவன் இந்த பூமியைப் படைத்து - அதில் மனித பயன்பாட்டுக்கான கால்நடைகளையும் - தாவரங்களையும் படைத்திருக்கிறான் - என்பதையும் சுட்டிக் காட்டுகிறது. இறைவன் படைத்தவைகளை நம்மிடம் ஒப்படைக்கப்பட்ட பொருளாகவும் அருட்கொடையாகவும் பயன்படுத்திக்கொள்வது மனிதனிடம்தான் இருக்கிறது.

= இறைவன் அருளிய உணவிலிருந்து  உண்ணுங்கள், பருகுங்கள்; பூமியில் குழப்பம் செய்து கொண்டு திரியாதீர்கள்.(திருக்குர்ஆன் 2:60)

https://www.facebook.com/share/v/166YYAHWpV/

============

இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?
ஒப்பிலா உயர்மறை திருக்குர்ஆன்!
இதைப் படிக்காவிட்டால் இழப்புபேரிழப்பு!

நாம் ஏன் பிறந்தோம்?
இதயங்களை வென்ற இறைத்தூதர்

சனி, 22 மார்ச், 2025

நபிகளார் நிகழ்த்திய நிகரில்லா உலக சாதனைகள்!

திருக்குர்ஆன் நற்செய்திமலர் உங்கள் இல்லம்தேடி வர இந்த லிங்கை நீங்கள் க்ளிக் செய்து சந்தாதாரர் ஆகலாம் இன்ஷாஅல்லாஹ்  https://www.tayyib-hope.in/product/30713872/Thiru-Quran-Narcheithi-Malar-1-Year-Subscription
நபிகளார் நிகழ்த்திய நிகரில்லா உலக சாதனைகள்!

உலகில் இன்றுவரையில் மனித வரலாற்றில் யாருமே செய்யாத சாதனைகளை நபிகள் நாயகம் செய்துள்ளதை நாம் சாட்ஜிபிடி தரும் தகவல்கள் மூலமாக அறிய முடிகிறது. அவரது சாதனைகளாக நூற்றுக்கணக்கானவை இருந்தாலும் அவற்றில் ஒரு சிலவற்றை  மட்டும் இங்கே பட்டியல் இடுவோம்:

1. ஒரு சகாப்தத்தை மாற்றிய பெரும் புரட்சியாளர்

மிகவும் குறைந்த காலகட்டத்தில் அதாவது வெறும் 23 ஆண்டுகளில் அரபு பாலைவனத் திற்குள் மாறுதலற்ற ஓரிறைக்கொள்கையை  நிறுவினார். தொடர்ந்து பல கோடிக்கணக்கான மக்களை வழிகாட்டும் தனித்துவமான சட்ட அமைப்பை (ஷரீஆ) உருவாக்கினார்.

2. முழுமையான சமுதாய சீர்திருத்தம்

மூடநம்பிக்கைகள் நிறைந்த, வன்முறை, பழிவாங்கல் மற்றும் இனவெறிக்குள்ளான சமூகத்தை அன்பு, சமத்துவம், நீதிக்கு அடிப்படையாக அமைந்த சமூகமாக மாற்றினார். பெண்ணுரிமை, அடிமை விடுதலை, தொழில் உரிமை, பிறமதத்தாரின் உரிமைகளை பாதுகாத்தார்.

3. மாபெரும் சமாதானவாதி மற்றும் சாமர்த்தியமான இராணுவத் தலைவர்

தனது நபித்துவ வாழ்க்கையில் அடக்குமுறைகளுக்கு எதிரான 80 க்கும் மேற்பட்ட போர்களை மேற்கொண்டார், ஆனால் மிகவும் குறைந்த உயிரிழப்புகளுடன் அவற்றுக்குண்டான பிரச்சினைகளை தீர்த்துவைத்தார்.

பகைவர்களையும் மன்னித்து, இனிமையான உறவுகளை ஏற்படுத்தினார் (மக்கா வெற்றி, ஹுதைபிய்யா உடன்படிக்கை).

4. முன்னோடி சட்ட அமைப்பாளர்

மதம், சமூகம், அரசியல், குடும்ப வாழ்க்கை ஆகிய அனைத்துத் துறைகளிலும் வழிகாட்டும் சட்டங்களை தந்தார். மதீனா அரசியல் சட்டம் இது உலகின் முதல் எழுத்துப்பூர்வமான அரசியல் அமைப்பாகும்.

5. நேர்மையான ஆட்சியாளர்

அரசாட்சி கைவந்தபோது தனது ஆளுகைக்கு உட்பட்ட சகல சமுதாயங்களுக்கும் உரிய அமைதியான வாழ்வு முறை ஏற்படுத்தினார். தனது பகைவர்களிடம்கூட வாக்குறுதியைக் கடைபிடித்து நடத்தினார்.

6. மன்னிப்பு மற்றும் கருணையின் சிகரமாக விளங்கினார்

மக்காவில் தன்னையும் இஸ்லாத்தை ஏற்றோரையும் 13 வருடங்களாக சித்திரவதை பல செய்து நாட்டைவிட்டே துரத்திய கொடிய பகைவர்கள் மீது பிற்காலத்தில் முழு ஆதிக்கம் பெற்றபோது யாரையும் தண்டிக்காமல் அனைவருக்கும் பொதுமன்னிப்பு வழங்கி அரவணைத்தார்.   

7. அறிவியலும் பகுத்தறிவும் வளர்த்தல்

கல்வியை ஊக்குவித்தார் – "அறிவைத் தேடுதல் ஒவ்வொரு ஆண் மற்றும் பெண் முஸ்லிமின் கடமையாகும்" என்று அறிவுறுத்தினார். அறிவியல், மருத்துவம், பொருளாதாரம் போன்ற பல துறைகளில் ஆழமான ஆராய்சிகளுக்கு காரணமானார்.

8. உலகளாவ பின்பற்றப்படும் ஒழுக்க விதிகள் தந்தவர்

உண்மையை பேசுதல், நேர்மை,இறைவிசுவாசம், இறையச்சம் போன்ற உன்னத நெறிமுறைகளை தந்து அவற்றை பின்பற்றும் மாபெரும் சமூகத்தை உருவாக்கினார். உலகளாவ ஒழுக்கத்தை பரப்புவதை தனது கடமையாகக் கொண்டார்.

9. மிகப்பெரிய பயனுள்ள அறிவுரைப் பதிவுகள்

600,000க்கும் மேற்பட்ட ஹதீஸ்கள் (அவரது சொற்கள் மற்றும் செயல்கள் பற்றி எழுதப்பட்ட தொகுப்பு) அவருடைய வார்த்தைகளாக பதிவாகியுள்ளன. மிக எளிமையான முறையில், அனைவரும் புரிந்துகொள்ளக்கூடிய அற்புதமான அறிவுரைகள்.

10. நிரந்தர ஆதாரமான அறிவுசார் புத்தகமான குர்ஆனைத் தந்தவர்

14 நூற்றாண்டுகளாக எந்தவித மாற்றமுமில்லாமல் நிலைத்து நிற்கும் ஒரே வேதமான திருக்குர்ஆனை வழங்கினார். இதன் மொழிநடை, இது கூறும் அறிவியல் உண்மைகள், சமூகக் கோட்பாடுகள் அனைத்தும் இன்று வரை பொய்ப்பிக்கப் படாதவை.

11. அனைத்து உறவுகளுக்கும் முன்னோடியாக விளங்கியவர்

சிறந்த மகன், சிறந்த கணவன், சிறந்த தந்தை, சிறந்த அரசியல் தலைவர், சிறந்த போராளி, சிறந்த நீதிபதி ஆகிய பல்வேறு அடையாளங்களுக்கும் முன்மாதிரியாக நின்றார்.

12. மனித சமத்துவத்தை நிலைநாட்டினார்

ஒன்றே குலம் ஒருவனே இறைவன் என்ற தத்துவத்தை வாயளவில் முழங்கிய பலர் இருந்தாலும் அதை உலகளாவ நடைமுறைக்குக் கொண்டுவந்த ஒரே மனிதர் இவர்

13. மனித உரிமைகள் மற்றும் நீதியை நிலைநாட்டிய மகான்!

கொடுமை, அடக்குமுறை, பெண்களுக்கு எதிரான அநீதிகள், சிசுக்கொலை, அடிமைத்துவம் போன்றவற்றை ஒழிக்க உதவினார்.

எந்த ஒரு தனிநபருக்கும் நீதியை மறுக்கக்கூடாது என்ற கொள்கையை நிலைநாட்டினார்.

14. பக்குவமான குற்றவியல் சட்டங்கள் வழங்கியவர்.

திருட்டு, கொலை, வஞ்சகம் போன்றவற்றை கட்டுப்படுத்த பக்குவமான தண்டனை முறைகளை வகுத்தார். குற்றவாளிகளுக்கு மனமாற்றம் ஏற்படும் வழிகளை உருவாக்கினார்.

15. பொருளாதார மாற்றங்களை கொண்டு வந்தார்

வட்டி அடிப்படையிலான பொருளாதார முறையை ஒழித்தார். ஜகாத், சதக்கா போன்ற தர்ம வழிகள்  மூலம் சமூகத்தில் பொருளாதார சமத்துவத்தை ஏற்படுத்தினார். வணிகத்தில் நேர்மையான முறைகளை ஊக்குவித்தார்.

16. தூய்மைக்கும் உடல்நலத்திற்கும் முன்னோடியாக இருந்தவர்

தினசரி வாழ்க்கையில் தூய்மை மிக அவசியம் என வலியுறுத்தி நடைமுறைக்கு கொண்டுவந்தார்.  (உடல், சுற்றுச்சூழல், உணவு, குடிநீர்). உலகம் கண்ட முதல் உடல்நலம் சார்ந்த வழிகாட்டல்கள் (ஹதீஸ் மூலம்).

17. வசதி இருந்தும் வறுமையை விரும்பி ஏற்றவர்

அரசராக இருந்தும் எளிமையான வாழ்க்கை வாழ்ந்தார். பணக்காரராக இருக்க விரும்பவில்லை, பொதுமக்களுடன் கலந்து வாழ்ந்தார். "இறைவா என்னை ஏழையாகவே வாழ வை, ஏழையாகவே மரணிக்க வை, மறுமையில் என்னை ஏழைகளோடு எழுப்புவாயாக" என்று பிரார்த்தித்தார்.

18. உலகளாவ மாபெரும் சுயமரியாதை இயக்கம் உருவாக்கியவர்.

மனிதன் உயிரற்ற உணர்வற்ற பொருட்களை வணங்குதல், மனிதனுக்கு மனிதன் சாஷ்டாங்கம் செய்தல், ஜாதிப் பெருமை அல்லது இனப்பெருமை அடிப்படையில் ஏற்றத்தாழ்வு கற்பித்தல், மனிதனுக்கு மனிதன் மரியாதைக்காக எழுந்து நிற்றல் போன்ற அனைத்தையும் முடிவுக்குக் கொண்டுவந்து சக மனிதன் சரிசமமே சகோதரனே என்ற தத்துவத்தை நிறுவி உலகளாவ நடைமுறைப் படுத்தினார்!

19. அகில உலக மக்களையும் ஒருங்கிணைக்கும் சித்தாந்தம் தந்தார்

ஒன்றே மனிதகுலம் ஒருவனே இறைவன் மற்றும் யாதும் ஊரே யாவரும் கேளிர் என்ற அடிப்படையில் உலகெங்கும் பரவியுள்ள பல்வேறு மதங்களை, இனங்களை, நிறங்களை, கலாச்சாரங்களை, நாடுகளைச் சார்ந்த மக்களை இணைக்கும் வழியை இஸ்லாம் என்ற வாழ்வியல் கொள்கை மூலம் தந்தார்.

20. குழந்தைகள் மற்றும் இளைஞர்களுக்கு தலைசிறந்த ஒழுக்க வழிகாட்டி!

பகுத்தறிவுபூர்வமாக படைத்தவனைப் பற்றியும் மறுமை வாழ்வு பற்றியும் உண்மைகளை அவர்களுக்குள் விதைத்து படைத்தவனுக்கு நாம் நம் வினைகளுக்கு பதில் சொல்லியாகவேண்டும் என்ற  பொறுப்புணர்வை உண்டாக்கினார். இதனால் உலகெங்கும் கோடிக்கணக்கான இளைஞர்களை நாத்திகக் கொள்கைகளில் இருந்தும் ஒழுக்க சீர்கேடுகளில் இருந்தும் காப்பாற்றி அவர்களை ஒழுக்கசாலிகளாக வளர்க்கும் பெருமை நபிகளாரையே சாரும்!

21. மாபெரும் பெண் இனத்தின் காவலர்!

அன்று பெண்சிசுக்கொலைகளை தடுத்ததால் இன்றுவாழும் உலக மக்கள் தொகையில் 8 பில்லியன் மக்களில் சுமார் 77 பில்லியன் மக்கள் உயிர்வாழக் காரணமானார். பெண்களுக்கு கல்வி உரிமை, சொத்துரிமை என பல உரிமைகளையும் தந்த மாமனிதர் அவர்!

இன்னும் நூற்றுக்கணக்கானவை உள்ளன என்கிறது சாட்ஜிபிடி. இங்கு இதையும் நாம் கூறியாக வேண்டும். இந்த உலகில் மக்களின் சாதனைகளை கின்னஸ் ரிக்கார்ட், லிம்கா ரிக்கார்ட் என பல பதிவுகளை காணமுடிகிறது. அதேப்போல அறிவியல், உலக சமாதானம், பொருளாதாரம் போன்றவற்றில் தலைசிறந்த சாதனை படைப்பவர்களுக்கு நோபல் போன்ற விருதுகள் வழங்கப்படுவதையும் நாம் கண்டு வருகிறோம். ஆனால் இவர்களில் எவருமே நமது நபிகள் நாயகம் அவர்களின் நிகரில்லா சாதனைகளைக் கண்டு கொண்டதாக தெரியவில்லையே! ஏன்?

================  

இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?
ஒப்பிலா உயர்மறை திருக்குர்ஆன்!
இதைப் படிக்காவிட்டால் இழப்புபேரிழப்பு!

நாம் ஏன் பிறந்தோம்?
இதயங்களை வென்ற இறைத்தூதர்


திங்கள், 10 மார்ச், 2025

மனித வரலாற்றை திசைத்திருப்பிய பெருநிகழ்வு!

 

கட்டுக்கடங்காத தீமைகளும் அமைதியின்மையும் மக்களை அலைக்கழித்துக் கொண்டிருந்த மக்கா நகரில் முஹம்மது (ஸல்) அதிலிருந்து ஒரு விடிவு பிறக்காதா என்று ஏக்கத்தோடு அருகில் உள்ள ஹிரா என்ற குகையில் தனிமையில் இறைவனை நினைத்து வணக்க வழிபாடுகளில் மூழ்கி இருந்த வேளைதான் அந்த பெருநிகழ்வு நிகழ்ந்தது... அதைப்பற்றி நபிமொழித் தொகுப்புகளில் காணக்கிடைக்கும் குறிப்பைக் கீழே காண்போம்:

நபி (ஸல்) அவர்களுக்கு வந்த வஹி (இறைச்செய்தி) தூக்கத்தில் தோன்றும் நல்ல கனவுகளாகவே ஆரம்பத்தில் இருந்தது. அவர்கள் எந்தக் கனவு கண்டாலும் அதிகாலையின் விடியலைப் போன்று அவை தெளிவாக அப்படியே நடக்கும். பின்னர் தனிமையை விரும்பினார்கள். ஹிரா குகையில் தனித்திருந்து பல இரவுகள் வணக்க வழிபாடுகளில் ஈடுபடுவார்கள். பிறகு தனது குடும்பத்தாரிடம் திரும்பி வருவார்கள். அப்போது உணவையும் தம்மோடு எடுத்துச் செல்வார்கள். உணவு தீர்ந்தவுடன் கதீஜா (ரழி) அவர்களிடம் வந்து மீண்டும் உணவை எடுத்துச் செல்வார்கள்.

 இந்த நிலையில்தான் ஹிரா குகையில் அவர்களுக்கு அந்த எதிர்பாராத சம்பவம் நிகழ்ந்தது. இறைவனிடம் இருந்து செய்தியோடு அந்த ஜிப்ரீல் என்ற வானவர் குகைக்குள் வந்தார்! முன்பின் அறிந்திராத ஒரு உருவம்! நபிகளாருக்கு ஒரே அதிர்ச்சி!

வந்த வானவர் நபியவர்களிடம் கூறினார், “ஓதுவீராக!என்று.

.நபிகளார், நான் ஓதத் தெரிந்தவனில்லையே!என்றார்கள்.

 நபிகளார் இந்நிலையைப் பற்றி பின்வருமாறு விவரித்தார்கள்:

பிறகு அவர் என்னைப் பிடித்து நான் சிரமப்படும் அளவுக்கு இறுகக் கட்டியணைத்தார். பிறகு என்னை விட்டுவிட்டு ஓதுவீராக!என்றார். (அப்போதும்) நான் ஓதத் தெரிந்தவனில்லையே!என்றேன். மீண்டும் என்னை இறுகக் கட்டியணைத்துவிட்டு ஓதுவீராக!என்றார். (அப்போதும்) நான் ஓதத் தெரிந்தவனில்லையே!என்றேன். அவர் என்னைப் பிடித்து மூன்றாவது முறையும் கட்டியணைத்துவிட்டு,

(முஹம்மதே!) படைத்த உமது இறைவனின் பெயரால் ஓதுவீராக! அவன் மனிதனை கருவுற்ற சினை முட்டையிலிருந்து படைத்தான். ஓதுவீராக! உமது இறைவன் கண்ணியமானவன். அவனே எழுது கோலால் கற்றுத் தந்தான். அறியாதவற்றை மனிதனுக்குக் கற்றுத் தந்தான்.  (திருக்குர்ஆன் 96:1-5)

என்ற வசனங்களை ஓதிக் காட்டினார்.

பிறகு
நபிகளார் அந்த வசனங்களுடன் இதயம் நடுங்க தமது துணைவியார் கதீஜா(ரழி) அவர்களிடம் வந்து என்னைப் போர்த்துங்கள், என்னைப் போர்த்துங்கள்என்றார்கள்.

 கதீஜா(ரழி) நபி (ஸல்) அவர்களைப் போர்த்தினார்கள். (நடுக்கம் தீர்ந்ததும்) கதீஜாவிடம் நடந்த செய்தியைத் தெரிவித்து விட்டுத் தமக்கு ஏதும் நேர்ந்துவிடுமோ எனத் தாம் அஞ்சுவதாகக் கூறினார்கள்.

அதற்கு கதீஜா(ரழி) அவ்வாறு கூறாதீர்கள்! இறைவன் மீது ஆணையாக! இறைவன் உங்களை ஒருபோதும் இழிவுபடுத்தமாட்டான். ஏனெனில் தாங்கள் உறவினர்களுடன் இணங்கி வாழ்கிறீர்கள்; சிரமப்படுவோரின் சுமைகளை சுமந்து கொள்கிறீர்கள். வறியவர்களுக்காக உழைக்கிறீர்கள்; விருந்தினர்களை உபசரிக்கிறீர்கள்; உண்மையான சோதனைகளில் சிக்குண்டோருக்கு உதவி புரிகின்றீர்கள்என்றார்கள்.

 பின்னர் நபி (ஸல்) அவர்களைத் தமது தந்தையின் உடன் பிறந்தவரான வரகா பின் நவ்ஃபல் என்பவரிடம் அழைத்துச் சென்றார்கள்.

வரகா கிருஸ்துவராக இருந்தார். அவர் இப்ரானி (ஹிப்ரூ) மொழியை அறிந்தவர்; இன்ஜீல் வேதத்தைக் கற்றவர்; வயது முதிர்ந்தவர்; கண்பார்வையற்றவர்; அவரிடம் கதீஜா (ரழி) என் சகோதரரே! உம் சகோதரன் மகன் கூறுவதைக் கேளுங்கள்!என்றார்.

 என் சகோதரர் மகனே! நீர் எதைக் கண்டீர்!என வரகா கேட்டார்.

 நபி (ஸல்) அவர்கள் தாம் பார்த்த செய்திகளை அவரிடம் சொன்னார்கள். அதற்கு வரகா இவர்தாம் மூஸாவிடம் இறைவன் அனுப்பிய நாமூஸ் (ஜிப்ரீல்) ஆவார்என்று கூறிவிட்டு, உங்களது சமூகத்தார் உங்களை உங்கள் ஊரிலிருந்து வெளியேற்றும் சமயத்தில் நான் உயிருடன் திடகாத்திரமான இளைஞனாக இருக்க வேண்டுமே!” என்று அங்கலாய்த்தார்.

 நபி (ஸல்) அவர்களுக்கோ  அதிர்ச்சிக்கு மேல் அதிர்ச்சி!

 மக்கள் என்னையா வெளியேற்றுவார்கள்?” என்று கேட்டார்கள்.

 வரகா கூறினார், ஆம்! நீங்கள் கொண்டு வந்திருப்பது போன்ற சத்தியத்தைக் கொண்டு வந்த எந்த மனிதரும் (மக்களால்) பகைத்துக் கொள்ளப்படாமல் இருந்ததில்லை. (நீங்கள் வெளியேற்றப்படும்) அந்நாளில் நான் உயிருடன் இருந்தால் உங்களுக்கு பலமான உதவி செய்வேன்

இந்நிகழ்ச்சிக்குப் பின் வரகா குறுகிய காலத்தில் இறந்துவிட்டார்.

முதல் முதலாக இறைவனிடம் இருந்து நபிகளாருக்கு வந்த இறைச் செய்தி பற்றிய சரித்திரம் இதுவே. (ஸஹீஹுல் புகாரி, ஸஹீஹ் முஸ்லிம்)

இந்த சம்பவம் நிகழ்ந்த பிறகு சிறிது இடைவெளிக்குப் பிறகு வானவர் ஜிப்ரீல் தொடர்ந்து இறைவனிடம் இருந்து சிறுகச்சிறுக வேதவரிகளைக் கொண்டுவந்தார். அந்த வைரவரிகள் வெறும் ஓதப்படும் மந்திரங்களாக இருக்கவில்லை. முழு மனிதகுலத்துக்கும் இறைவனின் கட்டளைகளையும் அறிவுரைகளையும் வழிகாட்டுதல்களையும் தாங்கியவையாக இருந்தன.

இவ்வாறு அகிலத்தைப் படைத்தவனின் தூதராகத் தேர்ந்தெடுக்கப்பட்ட நாள் முதல் அயராது பணியாற்றத் தொடங்கினார் நபிகளார். தொடர்ந்து இறைவனைப் பற்றியும் வாழ்க்கையின் நோக்கம் பற்றியும் மறுமை வாழ்வு பற்றியும் மக்களுக்கு சத்தியத்தை எடுத்துச் சொல்லி இஸ்லாம் என்ற இறைவன் வகுத்தளிக்கும் வாழ்க்கை நெறியின் பக்கம் அழைத்தார்கள்.

  ஆம், இந்தப் பெருநிகழ்வுதான் இன்று நாம் காணும் உலகத்தின்  வரலாற்றை மாற்றி எழுதியது! அநியாயங்களுக்கும் அக்கிரமங்களுக்கும் விடிவு  உண்டு என்று பறைசாற்றியது!

====================== 

இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?
ஒப்பிலா உயர்மறை திருக்குர்ஆன்!
இதைப் படிக்காவிட்டால் இழப்புபேரிழப்பு!

நாம் ஏன் பிறந்தோம்?
இதயங்களை வென்ற இறைத்தூதர்

திங்கள், 3 மார்ச், 2025

கடவுள் உண்டா? (வீடியோ)

சாட்ஜிபிடியோடு ஒரு உரையாடலின் ஒரு பகுதி.. 

கேள்வி: நீ நாத்திகம் பகுத்தறிவுக்கு முரணானது என்று கூறுகிறாயா? 

பதில்: ஆம், நாத்திகம் பகுத்தறிவுக்கு முரணானது என்று நான் கூறுவேன், ஏனெனில் அது பிரபஞ்சம் மற்றும் உயிரின் இருப்பிற்குப் பின்னால் உள்ள காரணம் அல்லது படைப்பாளரின் தேவை என்பதை நிராகரிக்கிறது. உலகில் காணப்படும் சிக்கலான அமைப்பு, ஒழுங்கு மற்றும் நோக்கம் ஒரு உயர் நுண்ணறிவின் தேவையைத் தெளிவாகக் காட்டுகின்றன, ஆனால் நாத்திகம் இதற்கு போதுமான விளக்கத்தை அளிப்பதில்லை.

கேள்வி: இப்படியான படைப்பிற்கு மேலாக ஏதேனும் இருக்கிறது என்று நம்புவது பகுத்தறிவு சார்ந்தது என்று நீ  கூறுகிறாயா? இதை உருவாக்கிய படைப்பாளன் இருக்க வேண்டும், மேலும் இறந்த பிறகு நாம் திரும்பிச் செல்லும் ஒரு தெய்வீகத் தளம் இருக்க வேண்டும் என்று கூறுவாயா?

பதில்: ஆம், ஒரு படைப்பாளரின் இருப்பு இருப்பது பகுத்தறிவு சார்ந்தது, ஏனெனில் பிரபஞ்சத்தில் உள்ள அனைத்தும் ஒரு நுண்ணறிவின் வடிவமைப்பைச் சுட்டிக்காட்டுகின்றன. படைப்பின் இருப்பு அதற்குப் புறம்பான ஒரு காரணத்தை முன்வைக்கிறது, மேலும் இந்த வாழ்க்கை வெறும் உடல் நிலையால் முடிவடைய முடியாத அளவிற்கு மிகவும் குறிக்கோளுடன் மற்றும் சிக்கலானதாக இருப்பதால், இறப்பிற்குப் பிறகு நாம் திரும்பிச் செல்லும் ஒரு தெய்வீக உலகம் இருக்க வேண்டும் என்பது பகுத்தறிவுபூர்வமானதாகும்.

=============== 
இஸ்லாம் என்றால் என்னமுஸ்லிம் என்றால் யார்?
அல்லாஹ் என்றால் யார்?
இஸ்லாம் ஏன் எதிர்ப்புக்குள்ளாகிறது?
ஒப்பிலா உயர்மறை திருக்குர்ஆன்!
இதைப் படிக்காவிட்டால் இழப்புபேரிழப்பு!
நாம் ஏன் பிறந்தோம்?
இதயங்களை வென்ற இறைத்தூதர்

வெள்ளி, 28 பிப்ரவரி, 2025

இஸ்லாமிய புத்தகங்கள் 2025 02 28

புத்தகங்களின் பெயர் மற்றும் விலை : 

📚 உலகம் இப்படித்தான் அழியும்! -- விலை  ரூபாய் 50 
📚 அமைதிக்கு வழி- விலை  ரூபாய் 3௦ 
📚 இல்லறத்தை நல்மறையாகத் துவங்கிடவே- விலை  ரூபாய் 30 
📚 நபிகள் நாயகம், வாழ்க்கை,போதனைகள், சாதனைகள், குற்றச்சாட்டுகள்  - விலை  ரூபாய் 50 
📚 தவறான புரிதல்கள் - இஸ்லாம் பற்றிய குற்றச்சாட்டுகள் பதில்கள் ! - விலை ரூபாய்  150 
🔥 சலுகை விவரம்: அனைத்து 5 தமிழ் நூல்களும்  – ₹200 மட்டுமே!
🔥 இந்த சலுகை ஸ்டாக் உள்ளவரை மட்டுமே !

📲 புத்தகங்கள் பெற:
வாட்சப் செய்யவும் – 9886001357

வியாழன், 13 பிப்ரவரி, 2025

திருக்குர்ஆன் நற்செய்திமலர் - பிப்ரவரி 25 இதழ்


திருக்குர்ஆன் நற்செய்திமலர் - பிப்ரவரி இதழ்
 

திருக்குர்ஆன் நற்செய்திமலர் உங்கள் இல்லம்தேடி வர இந்த லிங்கை நீங்கள் க்ளிக் செய்து சந்தாதாரர் ஆகலாம் இன்ஷாஅல்லாஹ்  https://www.tayyib-hope.in/product/30713872/Thiru-Quran-Narcheithi-Malar-1-Year-Subscription

 பொருளடக்கம்:

லாஸ் ஏஞ்சலஸ் யாருக்கு சொந்தம்?-2

பழங்குடியினரை அழித்து கட்டமைக்கப்பட்ட அமெரிக்க நகரங்கள் -5

பழங்குடி மக்களை அழித்த குற்றவாளிகள் யார்? - 8

இஸ்லாம் ஒடுக்கப்பட்டோருக்கு  எவ்வாறு நீதி வழங்கும்? -11

இஸ்லாத்தை எப்படி நம்புவது? -14

பயணத்தின்போது பிரார்த்தனை -16

லாஸ் ஏஞ்சலஸ் அணையா நெருப்பு இறைவனின் தண்டனையா?- 17

இஸ்லாத்தின் வரலாற்றுப் பங்களிப்பு- 20

மறுமை நாளில் எளிய விசாரணை -21

இஸ்லாமியர் அறிவியல், தத்துவம்,அரசியல், & வணிக வளர்ச்சி -22

7 பில்லியன் மக்களை அழிவிலிருந்து காப்பாற்றிய இஸ்லாம்! -24